لنتعرف علي كل من تصميم الويب و التصميم الجرافيكي و الفروق بينهما

 لنتعرف علي كل من تصميم الويب و التصميم الجرافيكي و الفروق بينهما
NatchCenter ماي 9, 2018

مشاركة:

فى فرق كبير جدا بين مصمم الجرافيك و مصمم الويب و اختلاف كبير فى طريقة التنفيذ فى المشروع فتعالوا نتعرف على الاختلاف و الفرق ما بينهم .

 

مصمم الجرافيك :

عادة مصمم الجرافيك بيعمل على مشروع خاص مستقل و بفكرة خاصة بالاضافة الى حرية اكبر فى الابداع و التفكير و حرية فى اختيار البرامج اللى يقدر يستخدمها ، و الطريقة دى بتخلق انواع و اشكال مختلفة فى استخدام الالوان و نوع الوق و الطباعة من غير القلق على حجم الملف النهائى او البرمجة ، و ده يعنى انك اذا كنت بتحب حرية الاختيار و انك تحب انه يكون ليك مساحة من الابداع و مش بتحب انك تتبع تعليمات البرمجة و البرامج الكثيرة فالاختيار ده مناسب جدا ليك انك تكون مصمم جرافيك .

 

مصمم الويب:

النوع ده من المصممين لازم يكون على دراية و فهم بالبرمجة بالاضافة طبعا للتصميم و الابداع ، و دايما بيشتغل على مشروع و يحط فى اعتبارة هيكل الموقع و تخطيطة و اقسامة و انه يدور على افضل تجربة و شكل للعميل .

ميزة مصمم الويب عن مصمم الجرافيك ان الاخطاء اللى بتحصل سهل انه يصلحها بسهوله عكس مصمم الجرافيك لانه لو طبعا حاجه غلط و خاصة لو كمية هيبقى صعب انه يعوضها او يعدلها خاصة مجال التسويق الالكترونى لانها مرتبطه بحاجات كثيره و عملاء ، ببساطة اكثر ان مصمم الويب غير انه مصمم هو مطور مواقع فى نفس الوقت ، عشان كده اذا كنت عاوز تصمم و تعمل موقع الكترونى و تحب اكواد و برمجة  فالوظيفة دى هى الانسب لك انك تكون مصمم ويب.

 

مصمم الجرافيك ومصمم الويب ليهم مجموعة مهام مختلفة تماما، على الرغم من أنهم هم الاتنين بيستخدموا نفس مبادئ التصميم الأساسية زى المرنة والبسيطة و الابداع و تقدم معلومة بشكل جذاب الا ان المهنتين او الوظيفيتن دول عندهم او بيحكمهم بعض القيود و التعليمات المختلفة ، على الرغم من انها بتطلب من الاتنين انهم يكونوا على دراية و خبرة كبيره  بالمفاهيم الاساسية و الادوات اللى هيستخدموه